Þegar Jóhanna Birna Bjartmarsdóttir talaði um skólavist, hindranir og úrræði á ráðstefnu BUGL nýlega vakti hún mikla athygli. Hún átti í miklum vandræðum með að lesa þar sem hún er lesblind, með ADHD, er á einhverfurófi og átti við alvarleg heilsufarsvandamál að stríða og var hún um tíma bundin við hjólastól og rúmföst vegna veikinda. Með mikilli þrautseigju og dugnaði rataði hún einhvern veginn og stundar nú nám í menntun og heilsueflingu við mjög góðan skóla í Bandaríkjunum. Hún vonast til að nýta sérþekkingu sína og reynslu til að aðstoða krakka sem eru í svipuðum aðstæðum og hún sjálf. Jóhanna Birna lýsti reynslu sinni í Mannlega  þættinum á RÚV.